Epigrammaton Liber

Ausonius, Decimus Magnus

Ausonius, Decimus Magnus. Ausonius, Volume 2. Evelyn-White, Hugh G. (Hugh Gerard), editor. London, Cambridge, MA: William Heinemann, Ltd.; Harvard University Press, 1921.

  1. ἄρτου, ἅλας. βοτάνην, ξωμόν. ὕδωρ, πέπερι.
  1. “HANC amo quae me odit. contra illam quae me amat, odi.
  2. compone inter nos, si potes, alma Venus!”
    3. v.1.p.166
  3. “ Perfacile id faciam: mores mutabo et amores;
  4. oderit haec, amet haec.” Rursus idem patiar.
  5. Vis ambas ut ames?Si diligat utraque, vellem.
  6. Hoc tibi tu praesta, Marce: ut amens, ama.
  1. “SUASISTI, Venus, ecce, duas dyseros ut amarem.
  2. odit utraque: aliud da modo consilium.”
  3. Vince datis ambas.Cupio: verum arta domi res.
  4. Pelliee promissis.Nulla fides inopi.
  5. Antestare deos.Nec fas mihi fallere divos.
  6. Pervigila ante fores.Nocte capi metuo.
  7. Scribe elegos.Nequeo, Musarum et Apollinis expers.
  8. Frange fores.Poenas iudicii metuo.
  9. Stulte, ab amore mori pateris: non vis ob amorem?