Explanatio Psalmorum XII

Quomodo igitur proposuerit sanctus propheta Dauid aut propter quid custodire uias suas, audiamus: ut non, inquit, delinquam in lingua mea. si hoc cauet propheta, tu non caues? si hoc metuit in quo dei gratia loquebatur, tu non metuis, qui erroris uerba non refugis et theatralibus sermonibus delectaris ? tu non reformidas, cui scriptum est in euangelio, quia pro omni otioso uerbo rationem es redditurus? si pro otioso uerbo . periculum est, quanto magis pro criminoso!

non omne, quod otiosum, et criminosum , sed omne, quod non fructuosum, periculosum atque eradicabile; omnis enim arbor non faciens fructum exciditur et in ignem mittitur. cum mouetur animus et exagitatur stimulantibus aduersariis, obstrepentibus inludentibus criminantibus, excidit uerbum commotionis; ideo silentium et tutum est et decorum, quod seruat cum grauitate cautelam.

quid enim labia nostra nisi quaedam nostra uincula sunt? denique uinculis labiorum suorum unusquisque constringitur. ideo sapiens in tempore tacet et secum ipse considerat, quo tempore loqui debeat. [*]( G Ps. 115, 1 (10) 8 quasi — 9 inc.epuit] cf. Expos. ps. 118 praef. init. 9 *Rom. 10, 10 13 Ps. 38, 2 18 cf. Matth. 12, 36 21 cf. Matth. 3, 10 26 cf. Prou. 5, 22 ) [*]( 1 dei maior ft 3 ignorantiam a 9 inteipres electus [t 10 ore] add. autem Cav 11 exsecutionis Ev, add. est AB (tesle b) C 13 inquid BC 14 si] set Fml 15 gratia dei F 18 rationem — 19 uerbo om. « 20 et] est b 22 excidetur Cfiav igne AB mittetur fJav CUL*. mouetur] commouetur BCfi et om. BC{lv 27 suorum] nostrorum tl )

posuit ori suo custodiam, saepsit aures suas spinis, uectem adhibuit foribus oris sui, seruat thesaurum cordis sui et argentum eloquii sui, ut examinatum et purgatum, quando oportet, proferat, ne quisquam prius fur in cor eius aut perturbator inrumpat et ad eos captiuum trahat, quibus flagitia sua uendat.