Priapeia

Priaepia

Poeta Latini minores, ed. Aemilius Baehrens, Leipzig, Teubner, 1879

  1. per lusum mihi per iocumque dici.
  2. deprensos ego ter quaterque fures
  3. omnes, ne dubitetis, irrumabo.
  1. Cum quendam rigidus deus uideret
  2. feruenti caput ustulare ferro,
  3. ut Maurae similis foret puellae,
  4. 'heus' inquit 'tibi dicimus, cinaede,
  5. uras te licet usque torqueasque,
  6. num tandem prior es puella, quaeso,
  7. quod sunt, mentula quos habet, capilli?'
  1. O non candidior puella Mauro,
  2. sed morbosior omnibus cinaedis,
  3. Pygmaeo breuior gruem timenti,
  4. ursis asperior pilosiorque,
  5. Medis laxior Indicisue bracis,
  6. mandes huic licet, ut libet, te inire.
  7. nam quamuis uidear satis paratus,
  8. erucarum opus est decem maniplis,
  9. fossas inguinis ut teram dolemque
  10. cunni uermiculos scaturrientis.
  1. Quicumque uestrum, qui uenitis ad cenam,