Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. verum age et hoc etiam, quando potes, adice tantis
  2. muneribus[*](Muneribus M, Mumeneribus V ) meritisque tuis; namque aurea iussi
  3. terga referre sumus; socios ea gloria tangit.'
  4. sic ait et primis supplex dedit oscula palmis.
  5. Contra virgo novis iterum singultibus orsa est:
  6. 'linquo domos patrias te propter opesque meorum;
  7. nec iam nunc regina loquor sceptrisque relictis
  8. vota sequor: serva hanc profugae, prior ipse dedisti
  9. quam (scis nempe) fidem. di nostris vocibus adsunt,
  10. sidera et haec te meque vident. tecum aequora, tecum
  11. experiar quascumque vias, modo nequis abactam
    12. p.184
  12. huc referat me forte dies oculisque[*](oculisque M, oculis V ) parentis
  13. ingerar; hoc superos,[*](superos M, superas V ) hoc te quoque deprecor, hospes.'
  14. Haec ait atque furens rapido per devia passu
  15. tollitur. ille haeret comes et miseratur euntem,[*](miseratur euntem M, miserat urentem V )
  16. cum subito ingentem media inter nubila flammam
  17. conspicit et saeva vibrantes luce tenebras.
  18. 'quis rubor iste poli? quod tam lugubre refulsit
  19. sidus?' ait. reddit trepido cui talia virgo:
  20. ipsius en oculos et lumina torva draconis