Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. prosilit, attonito qualis pede prosilit Ino
  2. in freta nec parvi meminit conterrita nati,
  3. quem tenet; extremum coniunx ferit inritus Isthmon.[*](Isthmon C, Pius, sihmo V )
  4. Iam prior in lucos curis[*](curiis M 1, curiit V ) urgentibus heros
  5. venerat et nemoris sacra se nocte tegebat,
  6. tum quoque siderea clarus procul ora iuventa.
  7. qualis adhuc sparsis comitum per lustra catervis
  8. Latmius aestiva residet venator in umbra,
  9. dignus amore deae, velatis cornibus et iam
  10. Luna venit: roseo talis per nubila ductor
  11. implet honore nemus talemque exspectat amantem.
  12. ecce autem pavidae virgo de more columbae,
  13. quae super ingenti circumdata praepetis umbra
  14. in quemcumque tremens hominem cadit, haut secus illa
  15. acta[*](Icta C ) timore gravi mediam se misit; at ille
  16. excepit blandoque prior sic ore locutus:
  17. 'o decus in nostros magnum ventura penates
  18. solaque[*](Solaque M 2, Sola qui V ) tantarum virgo haut indigna viarum
  19. causa reperta duci, mihi iam[*](duci, mihi iam Sudhaus, mihi iam V, mihi, iam nunc C, mihi, mihi iam Leo, mihi, iam iam vulgo | non nulla M 2 ut vid., non nulla V ) non ulla requiro
  20. vellera, teque meae satis[*](satis M, statis V ) est quaesisse carinae.