Argonautica
Valerius Flaccus, Gaius
Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.
- ibat et arma ferens et strictum naufragus ensem,
- incipit et remos et quaerere transtra solutae
- sparsa ratis maestasque[*](maestasque Thilo, ma est as V | altis V, aliis Heinsius ) altis intendere voces
- puppibus; ast inter tantos succurrere fluctus
- nulla potest aut ille †velit†,[*](aut ille velit V, aut ulla velit T 1 Balbus, actam ille petit Bury, fort. aut ille vehi (i. e. advehi)) quotiensque propinquat,
- tunc aliud rursus dirimit mare. iam tamen errat[*](errat V, extat Ald. )
- iamque abiit, fundoque iterum violentus ab imo[*](desunt in V (cf ad 136))
- erigitur; sed fluctus adest magnoque sub altis
- turbine figit aquis, et tandem virgine cessit.
- Absyrtus visu maeret defixus acerbo.
- heu[*](heu Heinsius (cf. 1 71, VII 309), Nec MN, nunc Schenkl ) quid agat? qua vi portus et prima capessat
- ostia? qua possit Minyas invadere, clausos
- quos videt agnoscitque fremens?[*](fremens Sabellicus, tremens MN ) maria obvia contra
- saevaque pugnat hiems totusque in vertice pontus.
- abscessit tandem vanaque resedit[*](resedit Lemaire,cf. Aen VI 407, recedit V ) ab ira
- et tanta de clade ratis.[*](ratis M 2, Iunt. 1, rates MN ) latus inde sinistrum
- adversamque procul Peuces defertur in oram
- cum sociis;[*](sociis Bon. 2, socii MNT ) gemino nam scinditur insula flexu
- Danubii. hac[*](hac lunt. 1, ac MN, at M 2 | pagaseaque N, pegasea M (que add.M 2)) dudum Minyae Pagasaeaque puppis
- in statione manent; illinc Aeetius heros
p.195