Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. nec numero quoniam Colchis nec puppibus aequos.[*](aequi Wagner )
  2. ergo ubi diva rates hostemque accedere[*](accedere M, accendere V ) cernit,
  3. ipsa subit[*](ipsa subit Bon 1, ipsas ubi V ) terras tempestatumque refringit
  4. ventorumque domos. volucrum gens turbida fratrum
  5. erumpit, classem dextra Saturnia monstrat.
  6. videre, inque unum pariter mare protinus omnes
  7. infesto clamore ruunt inimicaque Colchis
  8. aequora et adversos statuunt a litore fluctus.
  9. Tollitur atque intra Minyas Argoaque vela
  10. Styrus abit;[*](abit T Bon. 1, habet V ) vasto rursus desidit hiatu
  11. abrupta revolutus aqua. iamque omnis in astra
  12. itque reditque ratis,[*](ratis M 2, rates V ) lapsoque reciproca fluctu
  13. descendit. vorat[*](vorat cod. regius, T 1, Bon 2, uarat V ) hos vertex, hos agmine toto
  14. gurges agit.[*](agit M, ait V ) simul in vultus micat unldique terror;
  15. crebra ruina poli caelestia limina[*](limina cod.Bunrmunni, lumina V ) laxat.
  16. non tamen ardentis Styri violentia cedit;
  17. hortatur socios media inter proelia divum:
  18. 'transferet[*](Transferet etiam V exhibet ) ergo meas in quae volet oppida dotes
  19. Colchis?[*](Colchis M 2, Colchius V | succedet M, succederet V ) et Haemonius nobis succedet adulter?
  20. nec mihi tot magnos inter regesque procosque