Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. ---
  2. cunctatus paulum subito furit. aequora non sic
  3. in scopulos irata ruunt eademque recedunt
  4. fracta[*](fracta Pius, Facta V | fulmineis NR, flumineis V ) retro. bis fulmineis se flatibus infert
  5. obnubitque virum, sed non incendia[*](incendia M, cendia V ) Colchis
  6. adspirare sinit, clipeoque inliditur[*](inliditur M, inlidititur V ) ignis
  7. frigidus, et viso pallescit flamma veneno.
  8. inicit[*](Inicit V, Incitat C | adque Leo, atque V, inque C ) Aesonides dextram adque ardentia mittit
  9. cornua, dein totis propendens viribus haeret.
  10. ille virum atque ipsam tunc te,[*](te M, de V ) Medea, recusans
  11. concutit et tota nitentem carminis[*](carminis V, cornibus C ) ira
  12. portat iners; tandem gravius mugire recedens[*](residens Gronovius )
  13. incipit et fesso[*](fesso M, fessos V ) victus descendere cornu.
  14. respicit hinc socios immania vincula poscens
  15. Aesonides, iamque ora premit trahiturque trahitque
  16. obnixusque genu superat cogitque trementes
  17. sub iuga aena toros.[*](toros M, tores V ) alium dehinc turbida Colchis
  18. exarmat lentumque offert timideque minantem,
    19. p.180
  19. iamque propinquanti noctem[*](noctem M 2, noctemq. V ) implicat; ille fatiscens
  20. in caput inque umeros ipsa vi molis et irae