Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. tum comitum visu fruitur miseranda suarum
  2. implerique[*](Implerique CM 2, Inpleritque V ) nequit subitoque parentibus haeret
  3. blandior et patriae circumfert oscula dextrae.
  4. sic adsueta toris et mensae dulcis erili
  5. aegra nova iam peste canis rabieque[*](rabieque Bon. 1, rapique V ) futura
  6. ante fugam totos lustrat queribunda penates.
  7. tandem etiam molli semet[*](semet sic Lemaire, semels V, semel sese M 1, cod. Bon., sese semel CM 2 ) sic increpat ira:
  8. 'pergis', ait 'demens, teque illius angit imago
  9. curaque, qui[*](qui T Bon. 2, cui V | profuga M, profugat V ) profuga forsan tenet alta carina
  10. quique meum patrias referet nec[*](nec M, inec V ) nomen ad urbes.
  11. quid me autem sic ille movet, superetne[*](superetne M, superenne V ) labores
  12. an cadat[*](Hancadat V ) et tanto turbetur Graecia luctu?
  13. saltem, fata virum si iam suprema ferebant,
  14. iussus ad ignotos potius foret ire tyrannos
  15. o utinam et tandem non hac moreretur in urbe.
  16. namque et sidereo nostri de sanguine Phrixi
  17. dicitur, et caram vidi indoluisse sororem,
    18. p.163
  18. seque ait has iussis actum miser ire per undas.[*](undas cod. Burmanni, Iunt. 1, umbras V )
  19. at[*](at Bon. 2, Aut V | praecari M, p cani V ) redeat quocumque modo meque ista precari
  20. nesciat atque meum non oderit ille parentem.'