Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. ni prior adversis Pallas vidisset ab armis
  2. et secum: 'ruit ecce ferox in funera Perses,
  3. quem genitor Colchis solioque imponere[*](inponere Thilo, iteponere V, reponere M ) fratris
  4. iam statuit. nostra vereor ne fraude peremptum
  5. increpet et culpam hanc magno terrore rependat.'
  6. haec dicens atro nebulam diffundit amictu
    7. p.157
  7. stridentesque[*](Stridentesque M, Stridensque V | hastas M, hastos V ) viri circum caput amovet hastas.
  8. ille super socias clementi turbine gentes
  9. erigitur paulumque[*](paullumque C Bon. 2, paulum V ) levi raptatus in aethra
  10. iam tandem extremas pugnae defertur in oras,
  11. forte ubi serus Hiber Issedoniaeque[*](Hiber Issedoniaeque Thilo, hiberis sidoniaeque V, Iber Essedoniaeque C ) phalanges
  12. Marte carent[*](carent T, calent VC ) solisque iuvant clamoribus agmen.
  13. Nox simul astriferas profert optabilis umbras;
  14. et cadit extemplo[*](extemplo Bon. 1, exemplo V ) belli fragor, aegraque muris
  15. digreditur longum virgo perpessa timorem.
  16. ut fera Nyctelii paulum per[*](paulum per V, paullisper C ) sacra resistunt,
  17. mox rapuere deum iam iam quodcumque[*](quodcumque V, quocunque C, in quodcumque T 1, cod. regius ) paratae
  18. Thyiades, haut alio remeat Medea tumultu
  19. atque inter Graiumque acies patriasque phalangas
  20. semper inexpletis adgnoscit Iasona curis