Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. quam Talaum videt aut pugnas miratur Acasti;
  2. at satis hos ipsae gentes campique videbant
  3. tempestate pari versis incumbere turmis:
  4. ante oculos fuga sera[*](sera Sudhaus, cf. 750, fera V, torva C, foeda T, vulgo ) ducum largusque cadentum
  5. est[*](est Kr., Et V, it T, vulgo ) cruor et currus dominis ingentibus orbi.
  6. Non tulit hos Perses gemitus clademque[*](clademque M, cladem V ) suorum
  7. tergaque versa tuens his[*](his vulgo, hic V ) caelum questibus implet:
  8. 'quid me[*](me M 2, ne V ) iam patriis eiectum sedibus, istas
  9. ut[*](Ut M 2, Ui V ) struerem pugnas Scythiamque in bella moverem,
  10. vos superi, vos augurio lusistis[*](lusistis Heinsius, iussistis V ) inani?
  11. quid fratris meritas tua,[*](tua T 1, Carrio, tum V | omina CT, cod. Burmanni, omnia V ) Iuppiter, omina
  12. promisere mihi? nobis Argoa parabas
  13. scilicet auxilia et tantas coniungere vires.
  14. saeva quidem lucis miseris mora; dent tamen, oro,
  15. unum ilium mihi fata diem, quo vellera[*](vellera Sudhaus, fellet V, fallat C, fallet M ) Achivos
  16. sic meritos quoque hunc[*](quoque et hunc C ) videam virtute superbum
  17. Aesoniden tantos flentem sine honore labores.'
  18. dixerat haec pectusque suis everberat armis
  19. et galeam fietu, galeam singultibus implet;[*](implet Bon. 1, implent V )
  20. ibat[*](Ibat M, Iba V ) et in medii praeceps incendia belli,