Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. incepti iam Iuno potens securaque fraudis.
  2. Imminet e celsis audentius[*](audentius T, audientibus V ) improba muris
  3. virgo nec ablatam[*](ablatam Bon. 1, albatam V ) sequitur quaeritve sororerm.
  4. at quotiens vis dura ducum densique repente
  5. Aesoniden pressere viri cumque omnis in unum
  6. imber iit, totiens saxis pulsatur et hastis:
  7. primaque ad infesti Lexanoris horruit arcus,
  8. alta sed Aesonium supra caput exit harundo,
    9. p.155
  9. teque, Caice, petit; coniunx miseranda Caico
  10. linquitur et primo domus imperfecta cubili.
  11. Regius eois Myraces interpres ab oris
  12. venerat, ut Colchos procul atque Aeetia Parthis
  13. foedera donato non inrita iungeret auro.[*](inrigiungere tauro V 1, corr. M 2 )
  14. tum iuvenem terris Parcae tenuere[*](parcae tenuere M, parcae et enuere V | cytheis M, scytheis V ) Cytaeis
  15. ac subiti Mavortis amor. simul armiger ibat
  16. semivir impubemque gerens sterilemque iuventam.[*](iuuentam M 2, iuuenta V )
  17. ipse Euphrataeis[*](Euphrataeis Sudhaus, pharetratis V, cf. Plauti Stich. 378 et passim ad frena tapetis M 2, afrenata petis V ) residens ad frena tapetis
  18. nunc levis infesto procurrit in agmina curru,
  19. nunc fuga conversas spargit[*](spargit M, spagit V ) mentita sagittas.
  20. at viridem gemmis et eoae stamine silvae