Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. †brachiaque†[*](Brachiaque V, Branchiadae Heinsius, sed cf. vs. 60 sqq., unde locus sanandus vid. ) et vastis volvendum mittit harenis.
  2. At genitus Iove complerat sua fata Colaxes;
  3. iamque pater maesto contristat sidera vultu
  4. talibus aegra movens nequiquam pectora curis:
  5. 'ei mihi, si durae natum subducere sorti
  6. moliar[*](moliar Engentinus, Melior V ) atque meis ausim confidere regnis,
  7. frater adhuc Amyci maerens[*](maerens Peerlkamp, maeret V ) nece cunctaque divum
    8. p.153
  8. turba fremant,[*](fremant Schenkl, fremunt V, frement Peerlkamp ) quorum nati cecidere cadentque.
  9. quin habeat sua quemque dies cunctisque negabo,
  10. quae mihi.' supremos misero sic fatus honores
  11. congerit atque animis moriturum ingentibus implet.
  12. ille volat campis immensaque funera miscet
  13. per cuneos, velut hiberno proruptus ab arcu
  14. imber agens[*](Imber agens T, Inuera gens V ) scopulos nemorumque operumque ruinas,
  15. donec ab ingenti bacchatus vertice montis[*](montis M 2, montes V )
  16. frangitur inque novum paulatim deficit amnem.
  17. talis in extremo proles Iovis[*](iouis M, iouia V ) emicat aevo
  18. et nunc magnanimos[*](magnanimos M, magnimos V | hypetaona M, hypetaon V ) Hypetaona Gessithoumque,
  19. nunc Arinen Olbumque notat;[*](notat V, cf. Sudhaus ad Aetnam pp. 153 et 186, rotat Balbus, necat C Ald. ) iam saucius Aprem
  20. et desertus equo Thydrum pedes exigit[*](exigit Sudhaus, cf. 572, excidit VC, excipit vulgo ) hasta