Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. virgine, nocturnis qua nulla potentior aris.
  2. illius adfatus[*](adfatus Bury, ad fetus MNT, cod. Bon., cod. Burmanni, cf. 646, ad fremitus C, ad fatus Schenkl ) sparsosque per avia sucos
  3. sidera fixa pavent et avi stupet orbita Solis.
  4. mutat agros fluviumque vias, suus alligat ignis[*](ignis MNT, cod. Burmanni, ingens T 1 Bon. 2, igni C )
  5. cuncta, sopor recolit fessos aetate parentes
  6. datque alias sine lege colus. hanc maxima Circe
  7. terrificis mirata modis, hanc advena Phrixus,
  8. quamvis Atracio lunam spumare veneno
  9. sciret et Haemoniis agitari cantibus umbras.
  10. ergo opibus magicis et virginitate tremendam
  11. Iuno duci sociam coniungere quaerit Achivo.
  12. non aliam tauris videt et nascentibus armis
  13. quippe parem nec quae medio[*](nec quae medio M 2, quae om. M 1, neque quae medio C, medio qu(a)e NT, cod. Bon. (om. nec)) stet in agmine flammae:
  14. nullum mente nefas, nullos[*](nullos M 2 N, nullus M ) horrescere visus.
    15. p.147
  15. quid si caecus amor saevusque accesserit ignis?
  16. hinc Veneris thalamos semperque recentia sertis
  17. tecta petit. visa iamdudum prosilit altis
  18. diva toris volucrumque exercitus omnis Amorum.
  19. ac prior hanc[*](Ac prior hanc C, Ac prior ac M, Ac prior cod. Bon., Atque prior NT (hanc add. T 1)) placidis supplex Saturnia dictis
  20. adgreditur veros metuens aperire timores.