Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. immemoresque mori; sed non isdem artibus aeque
  2. concurrunt ultroque ruunt in funera Colchi.
  3. Campesus impacta latus inter et ilia quercu
  4. tollitur ac mediam moriens descendit[*](descendit Bon. 1, discendit V ) in hastam.
  5. Oebasus infestum summisso poplite Phalcen
  6. evasisse ratus laevum per luminis orbem
  7. transigitur; tenerae[*](tenerae C lunt. 1, tenero V | liquuntur CT 1, cod. Bon., linquuntur V, tinguuntur Ph. Wagner ) liquuntur vulnere malae.
  8. contra autem geminis fidens thoracibus ictum
  9. sustinet[*](sustinet Francius, Sustulit V ) et gladio Sibotes ferit ultima teli,
    10. p.140
  10. nequiquam; iam cuspis inest, nec fragmina curat
  11. Ambenus et trunco medium subit[*](subit M, subi V ) Ocrea ligno.
  12. seminecem Taxes Hypanin vehit atque remissum
  13. pone trahit fugiens et cursibus exuit hastam;
  14. dumque recollectam rursus locat, inruit ultro
  15. turbatumque Lacon et adhuc invadit inermem.
  16. impulit adverso praeceps equus Onchea conto
  17. nequiquam totis revocantem viribus armos
  18. in latus: accedit sonipes, accedit et ipse
  19. frigidus: arma cadunt, rorat procul ultima cuspis;
  20. qualem populeae fidentem nexibus umbrae