Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. impia monstriferis[*](monstriferi V ) surgunt iam proelia campis.
  2. ante dolos, ante infidi tamen exsequar astus[*](artus V )
  3. Soligenae falli meriti meritique relinqui,
  4. inde canens: Scythica senior iam Solis in urbe
  5. fata laborati Phrixus compleverat aevi.
  6. illius extremo sub funere mira repente
  7. flamma poli magnoque aries apparuit astro
  8. aequora cuncta movens. at vellera Martis in umbra
  9. ipse sui Phrixus monumentum insigne pericli
  10. liquerat ardenti quercum complexa metallo.
  11. quondam etiam tacitae visus per tempora noctis
  12. effigie vasta, socerumque exterruit ingens
  13. prodita vox: 'o[*](o T 1 Pius, om. V ) qui patria tellure fugatum
  14. quaerentemque domos his me considere passus
  15. sedibus, oblata generum mox prole petisti,
  16. tunc[*](Tunc M, Tunc V ) tibi regnorum labes luctusque supersunt,
  17. rapta soporato fuerint cum vellera[*](uellera M, uellerea V ) luco.
  18. praeterea infernae quae nunc sacrata[*](sq. auris quae vocatur est in membrana, cuius in marginibus hic et in vss. 254–258 nonnullae literae perierunt; manca uncis inclusi: nunc sacrata M, nu..sacrata V ) Dianae
  19. fert castos Medea choros quemcumque[*](quemcumque MT, quecumque V, quaecumque C ) procorum
  20. pacta petat maneat regnis neu[*](neu Heinsius, ne V ) virgo paternis.'