Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. insiliunt pariter scopulos: hunc nata coercet,
  2. hunc coniunx Iovis; ut valido qui robore tauros
  3. sub iuga et invito detorquet in ilia cornu.
  4. inde, velut mixtis Vulcanius ardor harenis[*](cf. Sen. nat. quaest. II 26, 4, II 30)
  5. verset aquas, sic ima fremunt, fluctuque coacto
  6. angitur et clausum scopulos super effluit aequor.
  7. contra omnes validis tenui discrimine remis
  8. pergere iter mediosque ratem transferre per ictus;[*](ictus Bon l, ictos V )
  9. saxa[*](Saxa M, Secxa V ) sed extremis tamen increpuere corymbis,
  10. parsque (nefas) deprensa iugis; nam cetera caelo
  11. debita. conclamant Minyae, latera utraque quippe
  12. dissiluisse[*](Disiluisse V ) putant. fugit ipse novissimus ictus
  13. Tiphys et e[*](e Bon. 1, om. V in codd. Bon, et Burmanni ) mediis sequitur freta rapta ruinis;
  14. nec prius obsessum scopulis respexit ad aequor
  15. aut sociis temptata quies, nigrantia quam iam
  16. litora longinquique exirent flumina Rhebae.[*](Rhebae Bon. 2, phoebi V, Rhebi C )
  17. tunc fessas posuere manus, tunc arida anheli
  18. pectora, discussa quales formidine Averni
  19. Alcides Theseusque comes pallentia iungunt
  20. oscula, vix primis[*](primas — oras cod. regius, T 1 ) amplexi luminis oris.