Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. terrificique ruunt tonitrus elisaque noctem
  2. lux dirimit, pavor ora virum, pavor occupat aures:
  3. haud secus implevit pontum fragor; effluit imber
  4. spumeus et magno puppem procul aequore vestit.
  5. Advertere dei defixaque numina ponto,
  6. quid scopulis praeclusa ratis, quid dura iuventus
  7. expediat; pendet magnis favor ortus ab ausis.
  8. prima coruscanti signum dedit aegide virgo
  9. fulmineam iaculata facem. vixdum ardua cautes
  10. cesserat, illa volans tenui per concita saxa
  11. luce fugit; rediere[*](rediere Bon. 2 (cf. Stat. Theb. V 4), cecidere VC ) viris animique manusque,
  12. ut videre viam: 'sequor, o quicumque deorum'
  13. Aesonides 'vel fallis'[*](uel fallis M 2 T 1, cod. regius, uel fallit V, uel fallor C, adfulsit dubitanter Sudhaus cfs. Stat. Theb. V 286 sq. ) ait, praecepsque fragores
  14. per medios ruit et fumo[*](fumo C, fuso V ) se condidit atro.
  15. coeperat hinc cedens[*](hinc cedens Heinsius, incendens V, incedens C, fort. abductis succedens | abductis Iunt. 1, adductis V ) abductis montibus unda
  16. ferre ratem pelagoque dies occurrere aperto.
  17. sed neque permissis iam fundere rector habenis
    18. p.104
  18. vela, nec eniti remis pote, cum super adsunt
  19. Cyaneae. premit umbra ratem, scopulique feruntur
  20. comminus. hic Iuno[*](Iuno Bon. 1, om. V ) praecepsque ex aethere Pallas