Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. cum procul auditi[*](auditi Maserius, auditis V, auditur C, auditus M T, cod. Bon. ) sonitus insanaque saxa,
  2. saxa neque illa viris sed praecipitata profundo
  3. siderei pars visa poli. dumque ocius instant,[*](instant T, instat V )
  4. ferre fugam maria ante ratem, maria ipsa repente
  5. deficere[*](deficere Burmann, Defigere V, Diffugere C | discedere Sabellicus, descendere V ) adversosque vident discedere montes,
  6. omnibus et gelida rapti formidine remi.
  7. ipse per arma volans et per iuga summa carinae
  8. hortatur supplexque manus intendit Iason
  9. nomine quemque premens. 'ubi nunc promissa superba
    10. p.103
  10. ingentesque minae, mecum quibus ista secuti?
  11. idem Amyci certe viso timor omnibus antro,[*](excidit vs. huius fere sententiae: idem animos pelago Zephyris certantibus horror)
    12. ---
  12. perculerat; stetimus tamen et deus adfuit ausis.
  13. quin iterum idem aderit, credo, deus.' haec ubi fatus,
  14. corripit abiecti remumque locumque Phaleri
  15. et trahit; insequitur flammata pudore iuventus.
  16. unda laborantes praeceps rotat ac fuga ponti
  17. obvia; miscentur rupes, iamque aequore toto
  18. Cyaneae iuga praecipites inlisa remittunt.
  19. bis fragor infestas cautes adversaque saxis
  20. saxa dedit, flamma expresso bis fulsit in imbri.