Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. imperat; adgnoscunt monitus iussaeque recedunt.
  2. mox tamen et vobis similis fuga, cum premet arquos[*](similis M 2 C, similes V | cum premet V, comprimet C | arquos Leo, argos VC, arcus vulgo )
  3. letifer.[*](Laetifera C ) Harpyiae numquam nova pabula quaerent,
  4. done erunt divum meritae mortalibus irae.'
  5. haesit uterque polo dubiisque elanguit alis;
  6. mox abit et sociae victor petit agmina pubis.[*](pubis Heinsius, pippis V )
    7. p.99
  7. Interea Minyae pulsa lue[*](pulsa lue Bon. 1, pulsaue V ) prima Tonanti
  8. sacra novant; tum vina[*](uina M, uena V ) toris epulasque reponunt.
  9. ipse inter medios ceu dulcis[*](ceu Bon. 2, seu V | dulcis M 2, ducis V ) imagine somni
  10. laetus ad oblitae Cereris suspirat honores;
  11. agnoscit Bacchi latices, agnoscit et undam
  12. et nova non pavidae miratur gaudia mensae.
  13. hunc ubi reclinem stratis et pace fruentem[*](fruentem M 2, furentem V )
  14. aspicit ac longae[*](ac longe M 2 T, alonge V ) ducentem oblivia poenae,
  15. talibus appellat supplexque ita fatur Iason:
  16. 'vota, senex, perfecta tibi; nunc me quoque curis
  17. eripe et ad nostros animum converte labores.
  18. omnis adhuc sors laeta quidem, nec numine vano
  19. (siqua fides curae superum) tantum aequor adorti
  20. tendimus: ipsa mihi puppem Iovis optima proles