Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. prodideram[*](prodideram Bon. 2, Prodiderat V ) miserans hominum genus; hinc mihi tanta
  2. pestis et offusae media[*](offusae Gronovius, effusae V | mediae in media corr. V 1 ) inter dicta tenebrae.
  3. iam tandem cessere irae, nec casus ab alto,
  4. ipse volens nostris sed vos deus appulit oris.'
  5. sic ait et, fatis ita iam cedentibus, omnes
  6. impulit et durae commovit imagine poenae.
  7. instituere toros mediisque tapetibus ipsum
  8. accipiunt circumque iacent; simul aequora servant,
  9. astra simul, vescique iubent ac mittere[*](ac mittere Bon. 2, admittere V ) curas:
  10. cum subitus misero tremor et pallentia primae
  11. ora senis fugere manus. nec prodita pestis
  12. ante, sed in mediis dapibus videre volucres.
  13. fragrat acerbus odor patriique[*](Fragrat acerbus Aid., Fraglata ceruus V | patriique M 2 T, patrique V ) exspirat Averni
  14. halitus; unum omnes incessere planctibus, unum
  15. infestare manus; inhiat Cocytia nubes
  16. luxurians[*](Luxorians V ) ipsoque ferens fastidia visu.
  17. tum sola conluvie atque inlisis[*](inlisis Mlaaserius, inlusis V ) stramina mensis
  18. foeda rigant; stridunt alae, praedaque retenta
    19. p.98
  19. saevit utrimque fames; nec solum horrenda Celaeno
  20. Phinea sed miseras etiam prohibere sorores.