Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. si non falsa mihi, vos finem imponite poenis.
  2. nempe adsunt, qui monstra fugent, Aquilonia proles
  3. non externa[*](externa M 2, hesterna V ) mihi; nam rex ego divitis Hebri
  4. iunctaque vestra meo quondam Cleopatra cubili.'[*](cubili M 2, cubile V )
  5. Nomen ad Actaeae[*](acteae M, aeteae V ) Calais Zetesque sororis
  6. prosiliunt, Zetesque prior 'quem cernimus?' inquit.
  7. 'tune ille Odrysiae Phineus rex inclitus orae?
  8. tu Phoebi comes et nostro dilecte parenti?
    9. p.97
  9. o ubi nunc regni generisque[*](generisque M, genenrisque V ) ubi gloria? quam te
  10. exedit labor et miseris festina senectus.
  11. quin age, mitte preces; namque est tibi nostra voluntas,
  12. si non ira deum vel si placabilis urget.'[*](placabilis urget M, placibili surgit V )
  13. sustulit hic geminas Phineus ad sidera palmas
  14. 'te'que ait, 'invisum quae nunc premis, ira[*](invisum Kr., iniusti V, iniuste quae non Madvig | premis ira Bon. 2, praemisera V ) Tonantis,
  15. ante precor, nostrae tandem iam parce senectae;
  16. sit modus, et fore credo equidem; nam vestra voluntas
  17. quid,[*](quid Bal- bus, Quod V, haud Pius ) iuvenes, sine pace deum? nec credite culpam
  18. saevitiae scelerumve mihi nunc crimina pendi:
  19. fata loquax mentemque Iovis quaeque abdita solus
  20. consilia et terris subito ventura parabat