Argonautica
Valerius Flaccus, Gaius
Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.
- quin et ab excelso meditantem vertice saltus
- audentemque mori valles citus egit in imas
- Argus et arbitrio durus servavit erili,
- cum subito Arcadio sonuit cava fistula ritu
- imperiumque patris celerans Cyllcnius ales
- advenit et leni modulatur carmen avena[*](carmen avena M, carmina uena V, carmina avena Baehrens )
- 'quo'que ait 'hinc diversus abis? heus respice cantus.'[*](heus Burmann, heu V | cantus V, pastor Schenkl )
- haud procul insectans Argum languentia --- [*](languentia V, languentia somno C, l. cantu T, fort. virga (ramo) vel loto)
- lumina cuncta notat dulcesque sequentia somnos,
- et celerem mediis in cantibus exigit harpen.
- iamque refecta Iovi paulatim in imagine prisca
- ibat[*](Ibat M, Ibant V ) agris Io victrix lunonis et ecce
- cum facibus spirisque et Tartareo ululatu
- Tisiphonen videt: ac primo vestigia visu
- figit[*](Figit M 3, Fugit VC ) et in miserae rursus bovis ora recurrit,
- nec qua valle memor nec quo se[*](ualle M 2, uelle V | nec quo se T, quo se V, quo sese MC, cod. Bon., cod. Coki ) vertice sistat.
- Inachias errore etiam defertur ad undas
- qualis et a prima quantum mutata iuvenca:
- nec pater aut trepidae temptant accedere nymphae.
- ergo iterum silvas, iterum petit invia retro
p.94