Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. 'nomen' ait 'praedulce mihi †nomenque†[*](nomenque V, ductumque Heinsius, votumque Damsté, fort. nutumque) secutus
  2. Otreos unanimi. decus ille et laeta suorum
  3. gloria nec vestros comes aspernandus in actus,
  4. Hesionam et Phrygiae peteret cum gaudia nuptae,
  5. hic Amycum contra iussus stetit atque ego palmas
  6. implicui; sed prima procul vixdum ora levantis
  7. fulminea[*](Fulminea Bon. 1, Fulmineam V ) frontem dextra disiectaque fudit
  8. lumina. me numquam leto dignatus et armis,
  9. sed lacrimis potius luctuque absumor[*](assumor C ) inerti.
  10. spes tamen, his fando[*](fando M, frando V ) si nuntius extitit oris
  11. et Mariandynum patrias penetravit ad urbes,
  12. unde genus fraterque viro — sed et ille quierit
  13. oro[*](oro Pius, Ora V, Gracia C ) nec vanis cladem Lycus augeat armis.'
  14. Haec ubi non ulla iuvenes[*](non ulla cod. Bon, non nulla V | iuuenis V ) formidine moti
  15. accipiunt, videt et dura sic pergere mente,[*](videt et Schenkl, dolet et V, dolor et duras insurgere mentes C )
  16. terga sequi properosque iubet coniungere gressus.
  17. litore in extremo spelunca apparuit ingens,
    18. p.87
  18. arboribus super et dorso contecta minanti,
  19. non quae dona deum, non quae trahat aetheris ignem,
  20. infelix domus et sonitu tremibunda[*](tremebunda XII 1, remibunda VII ) profundi.