Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. ocius et dictis perstantem cernit in isdem,
  2. abripit et sociis, quae sint ea, promere cogit.
  3. ille manum tendens 'non haec' ait 'hospita[*](manum S, manu V | hospita X 2 M, hosta V ) vobis
  4. terra, viri, non hic ullos reverentia ritus
  5. pectora; mors habitat saevaeque hoc litore pugnae.
    6. p.86
  6. iam veniet diros Amycus qui tollere caestus
  7. imperet et[*](et SM 2, om. V ) vasto qui vertice nubila pulset.
  8. talis in advectos Neptuni credita proles
  9. aeternum furit atque aequae virtutis egentes
  10. ceu superum segnes ad iniqua altaria tauros
  11. constituit, tandem ut misero lavet arma cerebro.
  12. consulite atque fugae medium ne temnite tempus.
  13. namque isti frustra quisquam concurrere[*](concurrere SM 2, concurre V ) monstro
  14. audeat; et quaenam talem vidisse voluptas?'
  15. ductor ad haec 'Bebryxne venis diversaque regi
  16. corda gerens[*](gerens M 2 in marg., regens V ) (melior vulgi nam saepe voluntas),
  17. hostis an externis fato delatus ab oris?
  18. et tua cur Amycus caestu nondum obruit ora?'
  19. 'nomen' ait 'praedulce mihi †nomenque†[*](nomenque V, ductumque Heinsius, votumque Damsté, fort. nutumque) secutus
  20. Otreos unanimi. decus ille et laeta suorum