Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. iam loca iamque feras[*](feras SM, fera V ) per barbara litora gentes,
  2. non alium contra Alciden, non pectora tanta
  3. posse dari. rursum instimulat ducitque faventes
  4. magnanimus Calydone satus, potioribus ille
  5. deteriora fovens semperque inversa tueri
  6. durus et haud ullis umquam superabilis aequis
  7. rectorumve memor. 'non Herculis' inquit 'adempti,
  8. sed tuus in seros haec nostra silentia questus
  9. traxit honor, dum iura dares, dum tempora fandi.
  10. septimus hie celsis descendit[*](descendit SM, discendit V ) montibus auster
  11. iamque ratem Scythicis forsan statuisset in oris;
  12. nos patriae immemores, maneant ceu nulla revectos
  13. gaudia, sed duro saevae[*](saevae Bon. 1, saeua V ) sub rege Mycenae,
  14. ad medium cunctamur iter. si finibus ullis
  15. has tolerare moras et inania tempora possem,
  16. regna hodie et dulcem sceptris Calydona tenerem
  17. laetus opum pacisque meae, tutusque[*](tutusque M 2, tuusque V ) manerem
  18. quis genitor materque locis. quid deside terra
  19. haeremus? vacuos cur lassant[*](lassant MC, classant V ) aequora visus?
  20. tu comitem Alciden ad Phasidis amplius arva