Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. tardior hine cessante viro quae[*](duo hemistichia huius sententiae excidisse suspica- tur Sudhaus cessante virum certamine puppis labitur et repetens fessis quae pr.) proxima Tiphys
  2. litora quosque dabat densa trabe Mysia montes
  3. advehitur. petit excelsas Tirynthius ornos;
  4. haeret Hylas lateri passusque[*](lateri passusque SM, later ipsassusque V ) moratur iniquos.
    5. p.72
  5. Ilium ubi Iuno poli summo de vertice puppem
  6. deseruisse videt, tempus rata diva nocendi
  7. Pallada consortem curis cursusque regentem,
  8. nequa inde inceptis fieret mora, fallere prima
  9. molitur caroque dolis avertere fratri.
  10. tum sic adloquitur: 'procerum vi pulsus iniqua
  11. germanique manu (repetis,[*](repetis Maserius, repetit V ) quo crimine) Perses
  12. barbaricas iam movit opes Hyrcanaque signa.
  13. Aeetes contra thalamis et virgine pacta
  14. conciliate reges Scythicos, primusque coacta
  15. advehit Albana Styrus gener agmina porta.
  16. bellum ingens, atque ipse citis Gradivus habenis
  17. fundit equos. viden Arctoo de cardine[*](cardine Heinsius, carcere V ) quanta
  18. tollat se nubes atque aequore[*](aethere Francius ) pendeat atro?
  19. corripe prima vias; finem cum Phasidis alti
  20. transierit Perses aciemque[*](aciemque Bon. 2, faciemque V ) admoverit urbi,