Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. sorte dabant? tantumque nefas mens conscia vatum
  2. conticuit, patriae exitium crudele senectae
  3. et tot acerba canens? heu divis visa sinistris
  4. regna mihi. quinam reditus? quae me hospita tellus
  5. accipiet? quae non primis prohibebit[*](prohibebit V, arcebit C a, cohibebit C b ) harenis?
  6. invidere dei, ne Phasidis arva remoti
  7. et Scythicas populatus opes[*](opes SM, opus V, II in marg. ) haec rursus adirem
    8. p.66
  8. litora neve tuos irem tune ultor in hostes.
  9. fas tamen est conferre genas, fas iungere tecum
  10. pectora et exsangues miscere amplexibus artus.
  11. vos age funereas ad litora volvite silvas
  12. et socios lustrate rogos; date debita caesis
  13. munera,[*](Munera SM, Mune V ) quae nostro misisset Cyzicus igni.'
  14. Parte alia Clite laceras super ora mariti
  15. fusa comas misera in planctus vocat agmina matrum
  16. fatur et haec: 'primis coniunx ereptus in annis
  17. cuncta trahis; necdum suboles nec gaudia de te
  18. ulla mihi, quis maesta tuos nunc, optime, casus
  19. perpeterer tenui luctum solamine fallens.
  20. Mygdonis[*](Micdonis V ) arma patrem funestaque proelia nuper