Argonautica
Valerius Flaccus, Gaius
Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.
- iam iuga Percotes[*](Percotes Bon. 2, percotis VC ) Pariumque infame fragosis
- exsuperant Pityamque[*](Pityamque Bon. 2, phyamque V ) vadis, transmissaque puppi
- Lampsacus, Ogygii[*](ogygti V ) quam nec trieterica Bacchi
- sacra neque arcanis Phrygius furor invehit antris,
- sed suus in Venerem raptat deus. illius aras
- urbe super celsique vident velamina templi.
- rarior hinc tellus atque ingens undique caelum
- rursus et incipiens alium prospectus in orbem.
- terra sinu medio Pontum iacet inter et Hellen
- ceu fundo prolata maris; namque improba caecis
- intulit arva vadis longoque per[*](per S, om. V, sub MT ) aequora dorso
- litus agit: tenet hinc veterem confinibus oris
- pars Phrygiam, pars discreti iuga pinea montis.
- nec procul ad tenuis surgit confinia ponti
- urbs placidis demissa iugis; rex divitis agri
- Cyzicus. Haemoniae qui tum nova signa carinae
- ut[*](ut Bon. 2, Et V ) videt, ipse ultro primas procurrit ad undas
- miraturque viros dextramque amplexus et haerens[*](dextraque C | haerens M, haeres V )
- incipit: 'o terris nunc primum cognita nostris
- Aemathiae manus et fama mihi maior imago.
p.53