Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. noster ades iunctisque venis: sator unus et idem
  2. stirpis honos, quamquam longis disiungimur oris.
  3. quot mihi post lacrimas, post quanta piacula patrum
    4. p.51
  4. serus ades, quam parva tuis iam gloria factis.
  5. verum age nunc socios fraternis moenibus infer;[*](infer S, infers V | post 565 interpolaverunt MT: ut tibi seruata statui quam (quae M 2, que T) munera probe (prole M 2 T))
  6. crastina lux biiuges stabulis ostendat apertis.'
  7. dixerat haec tacitusque dolos dirumque volutat
  8. corde nefas, clausum ut thalamis somnoque gravatum
  9. immolet et rapta ludat[*](Immolet et rapta ludat Baehrens, Immolete raptaque luat V, Immolet ereptaque luat X 2 M 2 ) responsa pharetra;
  10. namque bis Herculeis deberi Pergama telis
  11. audierat. Priami sed quis iam vertere regnis
  12. fata queat? manet immotis nox †turica†[*](turica V, dorica M r T, cod. Bon. ) lustris
  13. et genus Aeneadum et Troiae melioris honores.
  14. 'nos' ait 'ad Scythici' Tirynthius 'ostia ponti
  15. raptat iter; mox huc vestras revehemur ad oras
  16. donaque dicta feram.' tum vero plura vocatis[*](uocantis C )
  17. adnuit[*](Annuet C | deis T, dies VC ) ille deis. promissa infida tyranni
  18. iam Phryges et miserae flebant discrimina Troiae.
  19. Panditur hinc totis in noctem carbasus alis
  20. litoraque et veteris[*](veteris Maserius, ueteres V ) tumulos praelabitur Ili