Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. occupat Alcides arcum totaque pharetrae
  2. nube premit. non illa magis quam sede movetur[*](mouetur cod. Bon., T, mouenti V )
  3. magnus Eryx, deferre velint quem vallibus imbres.
  4. iam brevis et telo volucri non utilis aer.
  5. tum vero fremitus vanique insania coepti
  6. et tacitus pudor et rursus pallescere virgo.
  7. proicit arma manu, scopulos vicinaque saxa
  8. respicit, et quantum ventis adiuta[*](adiuuata V, corr. SM 2 ) vetustas
  9. impulerit pontive fragor,[*](pontiue fragor M r, potentiue fragon V ) tantum abscidit imi
  10. concutiens a sede maris. iamque agmine toto
  11. pistris adest miseraeque inhiat iam proxima praedae.
    12. p.50
  12. stat mediis elatus aquis recipitque ruentem
  13. Alcides saxoque prior surgentia colla
  14. obruit; hinc vastos nodosi roboris ictus
  15. congeminat, fluctus done defertur[*](done Sudhaus, om. V, defertur bellua C ) in imos
  16. iam totis resoluta vadis; Idaeaque mater
  17. et chorus et summis ulularunt[*](ul larunt V (1 erasa est)) collibus Amnes.
  18. protinus e scopulis et opaca valle resurgunt
  19. pastores magnisque petunt clamoribus urbem.
  20. nuntius hinc socios Telamon vocat, ac simul ipsi