Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. agrestum manus et caeco clamore coloni.
  2. constitit Alcides, visuque enisus in alta
  3. rupe truces manicas defectaque virginis ora
  4. cernit et ad primos turgentia lumina flexus;[*](turgentia cod. re- gius, cod. Harlesii, T 1, surgentia VC | lumina T 1 Maserius, flumina VC | flexus sc. capitis Sudhaus, flectus V, fluctus MC )
  5. exanimum veluti multa tamen arte coactum
  6. maeret ebur, Pariusve notas et nomina sumit
  7. cum lapis aut liquidi referunt[*](liquidi referunt C Bon. 2, aliquid ire ferunt V ) miranda colores.
  8. ductor ait: 'quod, virgo, tibi nomenque genusque,
  9. quae sors[*](sors Heinsius, mors V ) ista, doce, tendunt cur vincula palmas?'
  10. illa tremens tristique oculos deiecta pudore
    11. p.48
  11. 'non ego digna malis' inquit; 'suprema parentum
  12. dona vides, ostro scopulos auroque frequentes.
  13. nos Ili felix quondam genus,[*](felix Slothouwer, ueteris V, sed fort. post genus duo hemistichia exciderunt et pristinae felicitatis commemorationem et nominis nuncupationem (468) continentia ) invida donec
  14. Laomedonteos fugeret Fortuna penates.
  15. principio morbi caeloque exacta sereno
  16. temperies, arsere rogis certantibus agri,
  17. cum subitus fragor et fluctus Idaea[*](idaea M 2 C a, idae V ) moventes
  18. cum stabulis nemora: ecce repens consurgere ponto[*](ponto X 2, pono V )
  19. belua, monstrum ingens; hanc tu nec montibus[*](montibus M, monibus V, menibus (i. e. moenibus) S ) ullis
  20. nec nostro metire mari. primaeva furenti