Argonautica
Valerius Flaccus, Gaius
Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.
- dona dei, nunc digna tuis adiungier armis.
- i, memor i terrae, quae vos amplexa quieto
- prima sinu, refer et domitis a Colchidos oris
- vela[*](Vela M, Ue V ) per hunc utero quem linquis Iasona nostro.'
- sic ait Haemonii labens in colla mariti.
- nec minus Orphea tristis[*](tristis M, tristi V ) cervice tuaque,
- Aeacide, et gemino coniunx a Castore pendet.
- Has inter lacrimas legitur piger uncus harenis.
- iam remi rapuere ratem, iam flamina portant;
- spumea subsequitur fugientis semita clavi.
- tune tenuis Lemnos transitque[*](transitque T, transitaque V, transibatque C ) Electria tellus
- Threiciis arcana sacris. hic numinis ingens
- horror et incautis decreta piacula linguis.[*](linguis M, linquis V )
- hanc demissa Iovi non umquam laedere fluctu
- audet hiems. sponte ipse deus tune asperat undas,[*](undas M, in V nunc tantum und legitur, cetera plicatura tecta sunt )
- cum vetat infidos sua litora tangere nautas.
- obvius at Minyas terris adytisque sacerdos
- excipit hospitibus reserans secreta Thyotes.
- hactenus in populos vates, Samothracia, dicam:[*](vates, Samothracia, dicam dubitanter Sud- haus ex Apoll. Rhod. I 919, uates amothra cadica m V, uates samothraca diemque C )
- missa[*](missa i. e. silentio tecta) mane, sacrisque metum servemus opertis.