Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. ut vidit totaque viros decedere Lemno,
  2. ingemit et tali compellat Iasona questu:
  3. 'iamne placet primo deducere vela sereno,
  4. carius o mihi patre caput? modo saeva quierunt[*](quierunt Ald., quierant V )
  5. aequora. sic portus fugeret ratis, aspera si[*](sic Bon. 2, si V | post ratis pc(vel potius pe) litt. in V exstant ) te
  6. Plias in adversae tenuisset litore Thraces.
  7. ergo moras caelo cursumque tenentibus undis
  8. debuimus?' dixit lacrimans[*](lacrymans Bon. 2, lacrimas V ) haesuraque caro
  9. dona duci promit chlamydem textosque labores.
  10. illic servati genitoris conscia sacra
  11. pressit acu[*](Pressit acu CT 1 Iunt. 1, Praesit a V ) currusque pios: stant saeva paventum
  12. agmina dantque locum; viridi[*](viridi Barth, uiridis V ) circum horrida tela
    13. p.46
  13. silva tremit; mediis refugit pater anxius umbris.
  14. pars et frondosae raptus expresserat Idae
  15. illustremque fugam pueri; mox aethere laetus
  16. adstabat mensis,[*](mensis X 2 M, mmsis V ) quin et Iovis armiger ipse
  17. accipit a Phrygio iam pocula blanda ministro.
  18. tune ensem notumque ferens insigne Thoantis[*](Thoantis Bon. 1, tonantis V )
  19. 'accipe' ait, 'bellis mediaeque[*](medi(a)eque OQPII, mediae V ) ut pulvere pugnae
  20. sim comes, Aetnaei genitor quae flammea gessit