Argonautica
Valerius Flaccus, Gaius
Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.
- abscidit et curis pavidam lacrimisque relinquit.
- transit ad Iphinoen isdemque Amythaonis implet
- Oleniique domum furiis; totam inde per urbem
- personat, ut[*](ut Bon. 1, et V ) cunctas agitent expellere Lemno,
- ipsi urbem Thressaeque regant.[*](regant M 2, regnant V ) dolor iraque surgit:
- obvia quaeque eadem traditque[*](traditque Pius, trahitque V, retrahitque C ) auditque, neque ulli
- vana fides. tum[*](vana Iunt. 1, Vna V | et om. V, add. M 2, tum S ) voce deos et questibus implent,
- oscula iamque toris atque[*](adque V, iamque C ) oscula postibus ipsis
- ingeminant lacrimisque iterum visuque[*](visuque Bon. 1, uisumque V ) morantur.
- prosiliunt nec tecta virum thalamosque revisunt
- amplius; adglomerant sese nudisque sub astris
- condensae fletus acuunt ac dira precantur
- coniugia et Stygias infanda ad foedera taedas.
- Has inter medias Dryopes in imagine maestae
- flet Venus et saevis ardens dea planctibus instat
- primaque 'Sarmaticas utinam Fortuna dedisset[*](dedisses C )
- insedisse domos tristesque habitasse pruinas,
- plaustra sequi, vel iam patriae[*](construo: patriae culmen (an culmina?) per ignes agi (i. e. ignibus rapi), cf. Sen. Med. 148 sq. ) vidisse per ignes
- culmen agi[*](Fulmen C | agi C Bon. 1, agis V ) stragemque deum; nam cetera belli
- perpetimur. mene ille novis, me destinat amens
p.37