Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. terga Lacon, saltem in vacuos ut bracchia ventos
  2. spargat et Oebalium Pagaseia puppis alumnum[*](alumnum M 1 ex alimmum corr., alumnis V )
  3. spectet securo celebrantem litora ludo.
  4. oraque Thessalico[*](thessalico Bon.,2 thessalio V ) melior contundere freno
  5. vectorem pavidae Castor dum quaereret Helles,
  6. passus Amyclaea pinguescere Cyllaron herba.
  7. illis Taenario pariter tremit ignea fuco
  8. purpura, quod gemina mater spectabile tela
  9. duxit opus; bis Taygeton silvasque[*](tageton V, corr. M 1 | siluasque M, saluasque V ) comantes
  10. struxerat, Eurotan molli bis fuderat auro;
  11. quemque suus sonipes niveo de stamine portat
  12. et volat amborum patrius de pectore cycnus.
  13. at tibi collectas solvit iam fibula vestes
  14. ostenditque umeros fortes spatiumque superbi
  15. pectoris Herculeis aequum, Meleagre, lacertis.
    16. p.17
  16. hinc[*](hinc Bon. 2, Hic V ) numerosa phalanx, proles Cyllenia: certus
  17. Aethalides subitas nervo redeunte sagittas
  18. cogere; tu medios gladio bonus ire per hostes,
  19. Euryte; nec patrio Minyis ignobilis usu,
  20. nuntia verba ducis populis qui reddit,[*](reddis Heinsius ) Echion.