Argonautica
Valerius Flaccus, Gaius
Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.
- visa coronatae fulgens tutela carinae
- vocibus his instare duci: 'Dodonida quercum
- Chaoniique[*](suo loco legitur in C Ald., post 308 in V | Chaoniique X 2 C Aid., Hiaionique V ) vides famulam Iovis. aequora tecum
- ingredior, nec fatidicis avellere silvis
- me nisi[*](me nisi Bon. 1 Menesi V ) promisso potuit Saturnia caelo.
- tempus adest; age rumpe moras; dumque aequore toto
- currimus, incertus si nubila duxerit[*](structura: mitte metus, si ('ob etwa') .. duxerit, dum currimus) aether,
- iam nunc mitte metus[*](metus C, manus V ) fidens superisque mihique.'
- dixerat. ille pavens, laeto quamquam omine divum,
- prosiluit stratis. Minyas simul optulit omnis
- alma novo crispans pelagus Tithonia Phoebo.
- discurrunt transtris: hi celso cornua malo
- expediunt, alii tonsas in marmore summo
- praetemptant, prora funem legit Argus ab alta.[*](alta N, alto V )
- Increscunt matrum gemitus et fortia languent
- corda patrum; longis flentes amplexibus haerent.
- vox tamen Alcimedes planctus super eminet omnis.[*](omnis S, onus V )
- femineis tantum illa furens ululatibus opstat,
- obruat[*](obruat SM, obruad V, obruit Bon. 1, sed cf. II 529 III 55, 89 IV 716 ) Idaeam quantum tuba Martia buxum,
- fatur et haec: 'nate[*](a nate usque ad vs. 334 dextra habet Par. ) indignos aditure labores,