Argonautica
Valerius Flaccus, Gaius
Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.
- orsa iuves, haec ut Latias vox impleat urbes.
- Haemoniam[*](habet par.) primis Pelias frenabat ab annis,
- iam gravis et longus populis metus:[*](habet Par.) illius amnes[*](amnes Sabellicus, omnes VC, ore Par. )
- Ionium quicumque petunt, ille Othryn et Haemum
- atque imum felix versabat vomere Olympum.
- sed non ulla quies animo fratrisque paventi
- progeniem divumque minas; hunc nam fore regi
- exitio vatesque canunt pecudumque per aras
- terrifici monitus iterant: super ipsius ingens
- instat fama viri virtusque haut laeta tyranno.
- ergo anteire metus iuvenemque exstinguere pergit
- Aesonium letique vias ac tempora versat.
- sed neque bella videt Graias neque monstra per urbes
- ulla: Cleonaeo iam tempora clusus hiatu
- Alcides; olim Lernae defensus ab angue
- Areas, et ambobus iam cornua fracta iuvencis.
- ira maris vastique placent discrimina ponti.
- tum iuvenem tranquilla tuens[*](tuens C Ald., timens V ) nec fronte timendus
- occupat et fictis dat vultum et pondera dictis.[*](fictis uultus dat et pondera dictis habet Par. )
- 'hanc mihi militiam, veterum quae pulchrior actis,