Argonautica
Valerius Flaccus, Gaius
Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.
- Prima deum magnis canimus freta pervia natis[*](natis N, nautis V )
- fatidicamque ratem, Scythici quae Phasidis oras
- ausa sequi mediosque inter iuga concita cursus
- rumpere flammifero tandem consedit Olympo.
- Phoebe, mone, si Cymaeae mihi conscia vatis
- stat casta cortina domo, si laurea digna
- fronte viret; tuque o, pelagi cui maior aperti
- fama, Caledonius postquam tua carbasa vexit
- Oceanus Phrygios prius indignatus Iulos,
- eripe me populis et habenti[*](habenti X 2 O 2 N, habent sua V, sua a V 2 additum, ncnc tempore, ut permulta (cf. 16, 18, 19) in prima pagina codicis, paene deletum ) nubila terrae,
- sancte pater, veterumque fave veneranda canenti
- facta virum. versam proles tua pandet[*](pandet Gryphius, pandit V ) Idumen
- (namque potest[*](potest Pius, potes VC )): Solymo nigrantem pulvere fratrem
- spargentemque faces et in omni turre furentem.
- ille tibi cultusque deum delubraque gentis[*](gentis cod. Bon., genti V | pater (11) i. e. Vespasianus, proles (12) i. e. Domitianus, fratrem (13) et ille (15) i. e. Titus)
- instituet, cum tu,[*](tu V 1 ut vid. supra lin. add., plane fere obliteratum, S, iam MN ) genitor, lucebis ab omni
- parte poli, neque iam[*](neque iam Sudhaus, neque in V | Tyriis — carinis Friesemann, tyrias — carinas V ) Tyriis Cynosura carinis
- certior aut Grais Helice servanda magistris,[*](magistris V dilucide )
- sed tu signa dabis, sed[*](sed — sed Lemaire, seu — seu V | mittet V dare exhibet ) te duce Graecia mittet
- et Sidon Nilusque rates. nunc nostra serenus
p.2