Achilleis

Statius, P. Papinius (Publius Papinius)

Statius, P. Papinius. Statius, Volumes 1-2. Mozley, John Henry, editor. London: William Heinemann; New York: G.P. Putnam's Sons, 1928.

  1. turrigerae veritasque[*]() solo procumbere pinus
  2. praecipiat terrasque freto delatus Achaeas
  3. hospitis Atridae — pudet heu miseretque potentis
  4. Europae! — spoliat thalamos, Helenaque superbus
  5. navigat et captos ad Pergama devehit Argos.
  6. inde dato passim varias rumore per urbes,
  7. undique inexciti sibi quisque et sponte coimus
  8. ultores: quis enim inlicitis genialia rumpi
  9. pacta dolis facilique trahi conubia raptu
  10. ceu pecus armentumve aut viles messis acervos
  11. perferat? haec etiam fortes iactura moveret,
  12. non tulit insidias divum imperiosus Agenor
  13. mugitusque sacros et magno numine vectam
  14. quaesiit Europen aspernatusque Tonantem est
  15. ut generum; raptam Scythico de litore prolem
  16. non tulit Aeetes ferroque et classe secutus
  17. semideos reges et ituram in sidera puppim:
  18. nos Phryga semivirum portus et litora circum
  19. Argolica incesta volitantem puppe feremus?
    20. [*](veritasque P: vetitasque ω.)
    v.2.p.588
  20. usque adeo nusquam arma et equi, fretaque invia Grais?