Achilleis

Statius, P. Papinius (Publius Papinius)

Statius, P. Papinius. Statius, Volumes 1-2. Mozley, John Henry, editor. London: William Heinemann; New York: G.P. Putnam's Sons, 1928.

  1. nec nostrum est, quod in arma venis sequerisque precantes:
  2. venisses —’ dixit, quem talibus occupat heros
  3. Aeacius: ‘longum resides exponere causas
  4. maternumque nefas; hoc excusabitur ense
  5. Scyros et indecores, fatorum crimina, cultus.
  6. tu potius, dum lene fretum zephyroque fruuntur
  7. carbasa, quae Danais tanti primordia belli,
  8. ede: libet iustas hinc sumere protinus iras.’
  9. hic Ithacus paulum repetito longius orsu:
  10. ‘fertur in Hectorea, si talia credimus, Ida [*]()
  11. electus formae certamina solvere pastor
    12. [*](commissum P: confessum ω.)[*](Ida P: ora ω.)
    v.2.p.586
  12. sollicitas tenuisse deas nec torva Minervae
  13. ora nec aetherii sociam rectoris amico
  14. lumine, sed solam nimium vidisse Dionen.
  15. atque adeo lis illa tuis exorta sub antris
  16. concilio superum, dum Pelea dulce maritat
  17. Pelion, et nostris iam tunc promittens armis,
  18. ira quatit victas; petit exitialia iudex
  19. praemia: raptori faciles monstrantur Amyclae.
  20. ille Phrygas lucos, matris penetralia caedit