Achilleis
Statius, P. Papinius (Publius Papinius)
Statius, P. Papinius. Statius, Volumes 1-2. Mozley, John Henry, editor. London: William Heinemann; New York: G.P. Putnam's Sons, 1928.
- fata vetant, ratus ordo deis miscere cruentas
- Europamque Asiamque manus, consultaque belli
- Iuppiter et tristes edixit caedibus annos,
- quem tu illic natum Sigeo in pulvere, quanta
- aspicies victrix Phrygiarum funera matrum,
- cum tuus Aeacides tepido modo sanguine Teucros
- undabit [*]() campos, modo crassa exire vetabit
- flumina et Hectoreo tardabit funere currus
- impelletque manu nostros, opera inrita, muros!
- Pelea iam desiste queri thalamosque minores:
- credens peperisse Iovi; nec inulta dolebis
- cognatisque utere fretis: dabo tollere fluctus, [*](pellere luctus P: tollere fluctus ω. )[*](fluctibus unum ω. fluctibus unam P: fletibus udam, neptibus unam, fluctibus imum edd. )[*](undabit ω: undavit P: Garrod conj. turpabit. )
- cum reduces Danai nocturnaque signa Caphereus
- exseret et dirum pariter quaeremus Ulixen.’
- Dixerat, illa gravi vultum demissa repulsa,
- quae iam excire fretum et ratibus bellare parabat
- Iliacis, alios animo[*]() commenta paratus,
- tristis ad Haemonias detorquet brachia terras,
- ter conata manu, liquidum ter gressibus aequor
- reppulit et niveas feriunt vada Thessala plantas.
v.2.p.516