Achilleis
Statius, P. Papinius (Publius Papinius)
Statius, P. Papinius. Statius, Volumes 1-2. Mozley, John Henry, editor. London: William Heinemann; New York: G.P. Putnam's Sons, 1928.
- laetantur montes et conubialia pandunt
- antra sinus lateque deae Sperchios abundat
- obvius et dulci vestigia circuit unda.
- illa nihil gavisa locis, sed coepta fatigat
- pectore consilia et sollers pietate magistra
- longaevum Chirona petit, domus ardua montem
- perforat et longo suspendit Pelion arcu;
- pars exhausta manu, partem sua ruperat aetas,
- signa tamen divumque tori et quem quisque sacravit
- accubitu genioque locum monstrantur: at intra
- Centauri stabula alta patent, non aequa nefandis
- fratribus, hic hominum nullos experta cruores
- spicula nec truncae bellis genialibus orni
- aut consanguineos fracti crateres in hostes,
- sed pharetrae insontes et inania terga ferarum.
- haec quoque dum viridis; nam tunc labor unus inermi
- nosse salutiferas dubiis animantibus herbas,
- aut monstrare lyra veteres heroas alumno.
- Et tunc venatu rediturum in limine primo [*](animo P: iterum ω. )
- opperiens properatque dapes largoque serenat
v.2.p.518