Fabulae

Phaedrus

Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.

  1. Aesopus et continuo narrare incipit:
  2. Uxorem quondam Sol cum vellet ducere,
  3. Clamorem ranae sustulere ad sidera.
  4. Convicio permotus quaerit Iuppiter
  5. Causam querelae. Quaedam tum stagni incola:
  6. Nunc inquit omnes unus exurit lacus
  7. Cogitque miseras arida sede emori.
  8. Quidnam futurum est, si crearit liberos?
  1. Personam tragicam forte vulpes viderat:
  2. O quanta species, inquit, cerebrum non habet!
  3. Hoc illis dictum est, quibus honorem et gloriam
  4. Fortuna tribuit, sensum communem abstulit.