Fabulae
Phaedrus
Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.
- Qui postquam caede fessus est, asinum evocat
- Iubetque vocem premere. Tunc ille insolens:
- Qualis videtur opera tibi vocis meae?
- Insignis inquit sic ut, nisi nossem tuum
- Animum genusque, simili fugissem metu.
- Laudatis utiliora quae contempseris
- Saepe inveniri haec asserit narratio.
- Ad fontem cervus, cum bibisset, restitit
- Et in liquore vidit effigiem suam.
- Ibi dum ramosa mirans laudat cornua