Fabulae
Phaedrus
Phaedrus. Phaedri Augusti Liberti Fabulae Aesopiae. Müller, Lucian, editor. Leipzig. Teubner, 1876.
- Virtutis expers, verbis iactans gloriam,
- Ignotos fallit, notis est derisui.
- Venari asello comite cum vellet leo,
- Contexit illum frutice et admonuit simul,
- Ut insueta voce terreret feras,
- Fugientes ipse exciperet. Hic auritulus
- Clamorem subito totis tollit viribus
- Novoque turbat bestias miraculo.
- Quae dum paventes exitus notos petunt,
- Leonis affliguntur horrendo impetu.