Saturae
Persius
Persius. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.
- et tua aratra domum lictor tulit: euge poeta!
- est nunc Brisaei quem venosus liber Acci,
- sunt quos Pacuviusque et verrucosa moretur
- Antiopa, aerumnis cor luctificabile fulta.
- hos pueris monitus patres infundere lippos
- cum videas, quaerisne unde haec sartago loquendi
- venerit in linguas, unde istud dedecus, in quo
- trossulus exultat tibi per subsellia levis?
- Nilne pudet capiti non posse pericula cano
- pellere, quin tepidum hoc optes audire decenter?
- fur es, ait Pedio. Pedius quid? crimina vasis
- librat in antithetis, doctas posuisse figuras
- laudatur: bellum hoc. hoc bellum? an, Romule, ceves?
- men moveat? quippe et, cantet si naufragus, assem
- protulerim? cantas, cum fracta te in trabe pictum
- ex umero portes? verum, nec nocte paratum,
- plorabit qui me volet incurvasse querella.
- Sed numeris decor est et iunctura addita crudis. [*](cum P1: quem EaP2L.)
- claudere sic versum didicit Berecyntia Attis
- et qui caeruleum dirimebat Nerea delphin;
p.326