Fasti

Ovid

Ovid. Ovid's Fasti. Frazer, James George, Sir, editor. Cambridge, MA; London, UK: Harvard University Press, William Heinemann, Ltd., 1931.

  1. at si non esset potus, dixisset eadem
  2. venturum tempus solstitiale die. [*](27. BC 28. CF)
  3. Lucifero subeunte Lares delubra tulerunt
  4. hic, ubi fit docta multa corona manu.
  5. tempus idem Stator aedis habet, quam Romulus olim
  6. ante Palatini condidit ora iugi.
    7. [*](29. DF)
  7. Tot restant de mense dies, quot nomina Parcis,
  8. cum data sunt trabeae templa, Quirine, tuae. [*](30. EC)
  9. Tempus Iuleis cras est natale Kalendis:
  10. Pierides, coeptis addite summa meis.
  11. dicite, Pierides, quis vos adiunxerit isti,
  12. cui dedit invitas victa noverca manus.