Epistulae
Horace
Horace, Satires, Epistles and Ars Poetica. Fairclough, H. Rushton (Henry Rushton), editor. London: William Heinemann Ltd.; Cambridge, MA: Harvard University Press, 1929.
- coeperis, aut tineas pasees taciturnus inertis
- aut fugies Uticam aut vinctus mitteris Ilerdam.
- ridebit monitor non exauditus, ut ille
- qui male parentem in rupes protrusit [*]() asellum
- iratus: quis enim invitum servare laboret?
- hoc quoque te manet, ut pueros elementa docentem
- occupet extremis in vicis balba [*]() senectus.
- Cum tibi sol tepidus pluris admoverit auris,[*]()
- me libertino natum patre et in tenui re
- maiores pinnas nido extendisse loqueris,
- ut quantum generi demas virtutibus addas;
- me primis urbis belli placuisse domique,
- corporis exigui, praecanum. solibus aptum,
- irasci celerem, tamen ut placabilis essem.
- forte meum si quis te percontabitur aevum,
- me quater undenos sciat implevisse Decembris,
- collegam Lepidum quo duxit [*]() Lollius anno.
p.392
- Cum tot sustineas et tanta negotia solus,
- res Italas armis tuteris, moribus ornes,
- legibus emendes, in publica commoda peccem,