Satires

Horace

Horace. The Works of Horace. Vol. II. Smart, Christopher, editor. Philadelphia: J. Whetham, 1836.

  1. mazonomo pueri magno discerpta ferentes
  2. membra gruis sparsi sale multo non sine farre,
  3. pinguibus et ficis pastum iecur anseris albae
  4. et leporum avolsos, ut multo suavius, armos,
  5. quam si cum lumbis quis edit. tum pectore adusto
  6. vidimus et merulas poni et sine clune palumbis,
  7. suavis res, si non causas narraret earum et
  8. naturas dominus; quem nos sic fugimus ulti,
  9. ut nihil omnino gustaremus, velut illis
  10. Canidia adflasset, peior serpentibus Afris.’